Search: Spiritual Growth

Dr. Phil McGraw sê oor hierdie boek: “Dr. Cloud wys jou hoe om die resultate waarna jy soek in jou werk en by die huis te verkry.”

Dr. Henry Cloud deel in Die een oplossing vir die lewe talle waardevolle strategieë vir ’n lewe met groter samehang en eenvoud ten opsigte van werk, gesin en geloof.

Gedurende ‘n tyd van innerlike krisis in sy lewe kom Henri Nouwen ‘n afdruk van Rembrandt se skildery teë. Aangegryp deur dié dramatiese afbeelding van Jesus se gelykenis oor die verlore seun, ontgin Nouwen verskeie bewegings: die jonger seun se terugkeer, die ouer seun se wrewel en die vader se teer liefde. Nouwen bou dit uit as momente van ons eie geestelike reis waar ons, deur inoefening, ons instel op ons ware tuiskoms by God – as jonger seun, ook ouer seun en uiteindelik as vader vir ander.

Gesien teen die agtergrond van die opbou tot die oorlog in Nazi-Duitsland, het hierdie opregte, openhartige neerpen van dissipelskap se prys, ’n kragtige realisme. Dit is ’n waterskeidingswerk wat gehalte teologie uit die studeerkamer geruk het binne die storms en stroomversnellings van ongekende krisistye vir Christene en die kerk.

Christina Landman het ’n unieke storievertel-styl wat die karakters in hierdie ware verhale springlewendig uit die bladsye te voorskyn laat kom. Lesers kan identifiseer met elke spreker wat in hulle tipiese spreektaal hulle donkermaan-stories vertel, asook hulle pyn en opstand verwoord. Terwyl die berader hulle begelei om verwikkelde emosionele en sosiale probleme volwasse te hanteer, leer lesers self oorlewingstegnieke aan en skep hulle moed om weer ’n vervullende lewe in die lig te lei.

Vir geloofsverryking: 'n Bundel wat in 'n heerlike geselstrant die klassieke (asook minder bekende) name vir God in die Bybel op ons geloofslewe vandag toepas. Die verskillende name word dwarsdeur die boek in ’n spesiale skrif uitgelig sodat die leser daarmee vertroud raak as tegniese begrippe in ons geloofslewe.

Elke naam se betekenis bring 'n nuwe kant na vore van God wat vir ons omgee, met ons besig is en ons enduit dra. Hierdie vele gesigte van genade word prakties en eietyds gekoppel aan die vrae, vrese en vreugdes van ons daaglikse lewe.

Die geheim van heiliging ondersoek tot in die diepste kern waar ons slim woorde en “grids” met aanwysings stom raak en ons ons bloot leer meegee aan God wat met sy Gees in ons hart werk en ons omvorm. Só word ons hele alledaagse lewe al meer 'n gawe van God wat ons ook só kan ervaar.

Inhoudsopgawe:
1. Waaroor praat ons?
2. Die ekkigheid
3. Die saamwerk wat nie werk nie
4. Die Omvormer
5. Meegee
6. My eie aard
7. Leer by die lewe
8. Geestelike oefeninge

As Christene sal ons dadelik sê ons glo in God se onvoorwaardelike genade vir sondaars. Darem snaaks dat ons dit skynbaar nie in die praktyk regtig van God glo nie; en nog snaakser dat mense van wie ons dit die minste sal verwag, ja ook onsself, so dikwels so genadeloos teenoor mekaar optree – soos die kortverhale in die boek so grafies uitbeeld.

Die klassieke boekie Hoe verstaan ons wat ons lees? uit die 1980's is volledig deur Dirkie Smit hersien en bygewerk:. Dit handel breedweg oor hoe ons die Bybel lees, uitlê, verstaan en toepas. Vanuit ’n historiese, sistematiese, etiese en praktiese perspektief nooi Neem, lees ... lesers uit om self die Bybel opnuut te lees en daarna te luister met nuwe oë en ore, met nuwe insig en nuwe hoop. Dis ’n boek óór die Bybel wat lesers uitnooi ná die Bybel.

Die boek beskryf die bedreigings vir die evangelie in ‘n postmoderne tyd en ontbloot uitgediende kerklike maskers, maar bied terselfdertyd op ‘n simpatieke manier nege vars geloofspraktyke wat gelowiges in staat sal stel om daardie soort gelowiges te wees wat die Here in ‘n tyd soos hierdie soek: mense wat nie kerk-kerk spéél nie, maar werklik kerk ís, soos die vroeë kerk was.

Van die aangrypendste Bybelverhale gaan oor die roeping van mense, en hoe hulle daarop reageer. Wie sy/haar roeping wil hoor en dit voor die Here wil leef, besef: 'n Bewustheid van die Here se teenwoordigheid en werk maak al die verskil. Dit maak van 'n opdrag 'n genadevoorreg en 'n geleentheid.